![](https://blogger.googleusercontent.com/img/b/R29vZ2xl/AVvXsEhuFgVspTN3q_TiZnS2QlLs927th1DAyviy-2KPypPMoXVUXAPvnwZ13DwJTTkJDZ2Uk-PZrTRon53p6wcS43V4NjQL1AcXpwHM5LK_JQzHrG8mvyFBjHyTq9oRCgFCbHxK9A4q-PAPjDc/s200/P6260008.JPG)
O xoves pasado foi a excursión de fin de curso. Decidímos facela cando xa remataran as clases para que os nenos e nenas maiores que están con nós os xoves de A Dúas, poidesen acompañarnos. Alugamos un autobús e marchamos a
Marcelle, en Lugo.
![](https://blogger.googleusercontent.com/img/b/R29vZ2xl/AVvXsEgv3Bw-xHhdocifH3IELH8J3v6RnpGvBbypQrAfYv_RkAi38MJSR4ocxtcqH4fGqxbwwDkgtdXfaOuwjKGsdHZ5fveIwIMOCibh8kyi6zCjMuE2AbDq7mDRssRWjddlM4kl3ttSRdHyris/s200/P6260016.JPG)
Ao chegar alí,dividímonos en tres grupos: os máis pequenos, os medianos e os adultos, e cada grupo coa súa monitora ou monitor, pasou o día paseando polo parque, unha chea de hectareas á beira do Miño, onde cebras, muflóns,emures, linces, canguros...están en amplos cercados ou andan libres entre os carballos, moitos deles centenarios. Un lugar e un xeito diferente de achegarse aos animais e a natureza que pagou a pena visitar.
![](https://blogger.googleusercontent.com/img/b/R29vZ2xl/AVvXsEg1aqyI0OHHf3ty8mog6lmX0-D7E-WiTZOtysl9t5-klPUbsLaTyYM1HxB01t218Agt1Tk9ktQB4JmVwNWXXCttx7bzpqgTlrr-mGYBDla7RDokxCfTP_qSmahCUS4YUlj5iurfV49f3as/s200/P6260030.JPG)
Miguel, o monitor do noso grupo estaba empeñado en convencernos de que non había Miño máis fermoso que aquel, nós calamos pero invitámolo a vir a Vide, onde o Miño rompe bravo contra as pesqueiras chamando aos nenos e nenas das dúas beiras, a portuguesa e a galega,
![](https://blogger.googleusercontent.com/img/b/R29vZ2xl/AVvXsEind7xIvZJ4YG-PdcSEJMY7WcfEAnhRLjgJ_FHGbmbnaVlfHFFKuU0oc-wkpTtRJVWKobBEOeyGY_INCNcmpr4vjqQ4mfxONwVlXDhUuDeg1IOlj9VViljh44HnzMaF5Hwdr9Qycu7udCI/s200/P6260038.JPG)
a xuntarse con el nas augas mansas da Barxa ou do Coto de Severo, mentras Martín o vello vixía que non se acheguen ás pozas dos remuiños e lles aprende a escoitar como cantan as pedras bailando no fondo.
No hay comentarios:
Publicar un comentario