SAMAÍN MATEMÁTICO

Quedamos en que este é un curso matemático non?, pois entón tamén o  Samaín  e o magosto son matemáticos.

Ademais de facer series coas castañas e landras, ordenar os cocos, agrupar as castañas e as landras, calcular que coco pesaba máis.... en fin , todo o que se nos ocurríu, fixemos unhas fichas " de avaliación matemática" para os libros do samaín:

Chega o Samaín

Como imos facer unha FESTA na Casa da Auga para celebrar o Samaín e o Magosto, con todos os nenos e nenas e veciños de Vide, para non perdernos no rebumbio, decidimos facer un "obradoriño" de caveiras e un Magostiño hoxe na escola "só para pequeniños".
Menos usar o coitelo para cortar os cocos, todo o demais o fixeron os nenos e as nenas: ir a apañar castañas, escollelas, preparar as candeas, asar as castañas, comelas......todo!
Como antes pintaramos as caras, parecímaos uns "mortos vivientes", e ata o carteiro asustouse de nós- antes de que o invitaramos a castañas-.

samaín e magosto - Movie Maker

Ler polo Samaín

Xoves, venres, sábado e domingo..... catro días perfectos para pasear, apañar cogumeos e castañas, festexar o samaín ou facer un magosto, pero tamén tempo para ler, por iso a biblioteca A2  vaivos facer unha proposta de lectura:

Festa de Samaín e Magosto na Casa da Auga

Festa de Samaín

O xoves, 31 de Octubro; pola tarde, celebramos a festa do Samaín e o Magosto na Casa da Auga.
Houbo obradoiro de caveiras, de maquillaxe, xogos,  e... festa, moita festa, ata tivemos actuación das "Saíñas" que cantaron e tocaron a pandereireta para todos nós.

Por suposto tamén tivemos Magosto e comimos castañas asadas.

Á noitiña, acendimos as velas dentro das caveiras e puxémolas no balado, ao pé do cruceiro, para espantar ás ánimas.

Cantando o Samaín

Hoxe houbo obradoiro de caveriras na escola e viñeron algunhas nais para axudarnos a cortar as cabazas.

Logo de recoller todo cantamos o:

"tumba por aquí
tumba por alá...."

e pintámonos a cara para dar mas medo, e nsaiando para a festa de mañán.

Aquí esta a proba do bo facer destes "inxeñeiros":

Samaín

O xoves pola tarde celebraremos na Casa da Auga a festa do Samaín e o Magosto. Haberá obradoiros de caveiras e de maquillaxe, magosto, cantigas e xogos.... Cando chegu e a notiña sairemos como os outros anos en procesión polas corredoiras deixando as caveiras nos balados e nos cruceiros para espantar as ánimas. Estades TODOS e TODAS invitados, pero non esquezades levar a cabaza, o disfraz e moi importante, as castañas para asar.

E aproveitando os dáis libres podemos redescubrir os libros de medo:

que están expostos no andel, para que nos os teñas que buscar pola Biblioteca adiante:

Recursos samaín

O curso pasado fixemos una entrada neste blog con recursos para o Samaín. Este ano o que fixemos foi act:ualizala:


"Deixo aquí os enlaces aos recursos que estamos utilizando en clase no traballo SAMAÍN, recursos dirixidos a nen@s menores de 6 anos, que é o noso alumnado. A meirande parte deles xa os traballamos e gustáronnos.

É un recopilatorio de actividades lacalizadas directamente en internet ou ben a través do traballo realizado por outras bibliotecas escolares. A tod@s gracias".

Para imprimir e colorear/recortar:

Cabazas1
Cabazas2
Cabazas3
Fantasma

Morcego

Xogos e actividades on line

LIM Chegou o Samaín. Ceip de Pazos
Conto LIM Marcelina e a noite do Samáin. Vía EEI O Grupo
LIM Samaín/Outono
LIM 2 Samáin Outono. vía Aula Tic de Raquel. 

Puzle fantasma
Quen comeu o caramelo?

Decorar tarta

Decorar cabaza

Tallar unha caveira

Colorear cabaza

Colorear lámina Samaín

Xogo memoria 1

Xogo memoria 2

Xogo memoria 3

Xogo co ratiño

Seguir o arco da vella

Manualidades:

Maquillarse de caveira

Cociña do Samaín:

Chulas

Videos:

Música de Mamacabra, pola Biblioteca Ceip Mestres Goldar

Música para pequenos en Samaín

Arañas para comer

Canción os esqueletes

Conto o gato e a cabaza
Corre, corre, cabaciña
Fiz, o coleccionista de medos

Se queres unha páxina con moitos recursos para todas as edades, preme entón en:

O recanto de Mik

E para rematar, este video de Mamacabra:

Samaín e Magosto

Tiñamos pensada a festa do Samaín para a tarde do vindeiro mércores, no seu día, pero na Asociación Vidense xa tiñan preparada unha Festa do Magosto para o domingo pola tarde e ao final decidimos unir Magosto e Samaín nunha sóa celebración de toda a parroquia, así que mañán domingo, ás 5 da tarde, a Biblioteca A2 da Unitaria de Vide e a Asociación Cultural Vidense convocan a todos os veciños videnses, nenas, nenos e maiores a unha Festa Popular  na Casa da Auga  do Samaín e Magosto.
Haberá obradoiro de caveiras e maquillaxe, xogos e castañas, chourizos e por suposto cantos. As pandereteiras e pandereteiros pequenos, ós que chamamos Saíñas, terán unha actuación estelar, que despois de estrenarse no Serán de Barcela, adoecen por "actuar" e recibir aplausos.
Onte, venres, a escola converteuse nun campo de batalla con todos os nenos e nenas valeirando cabazas e as nais e pais axudando, para telas preparadas para o domingo.

Antes de marchar aínda nos deu tempo de recoller as sementes para a nosa veiga, comer a "chulas de cabaza" que nos preparara a avoa de Samara  e repasar a canción do Samaín:
"Cando o reloxio marca a unha, un esquelete sae da tumba.
Tumba por alí, tumba por alá,
tumba, tumba, 
JAJAJAJAJAJA.

Ah! e deixar preparados os libros de medo para levar á Biblioteca da Casa da Auga e expoñer na Festa.

Noite do Samaín

Tiñamos todo preparado. As cantigas ensaiadas, a Casa da Auga coas arañeiras postas, as cabazas situadas estratexicamente, os disfraces de mortos, ánimas bruxas e esqueletes no corpo, a merenda preparada e as castañas e as candeas recollidas.

Todo listo para unha "alucinante" festa do Samaín, e apareceu unha invitada indesexada: A CHUVIA, unha chuvia pesada e pertinaz que parece que non pode vivir sen vir as nosas festas . Non nos quedou mais remedio que deixala entrar e gobernarnos como puidemos.

Aínda así cantamos, xogamos, comimos, fixemos caveiras, e aproveitando que a chuvia, curiosa, entrou na casa da Auga a ver que pasaba, para sair correndo a colocar as

caveiras no cruceiro e no peto das ánimas.

Pero quedamos sen magosto.

Visto o visto todas as "festiñas" van ter que ir cun "plan B" con auga.

Xa vou empezar a preparar os "Cantos de Reis da Auga"

Caveiras

Moito traballamos hoxe para deixar todo preparado para a festa do Samaín.
Facer as caveiras non foi doado, pero pouco a pouco fomos convertendo os cocos en "monstruiños",como lles chamou Saul. Limpalas por dentro ata foi divertido, aínda que se escoitaba a Alba dicir:
- Que noxo, parece vómito!
Con todo, cando ao fin colocamos as caveiras ao redor de Lola e cantamos a canción dos esqueletes, Diego oíu como Lola, a esqueleta tamén cantaba: tumba, tumba, tuuuumba! e tod@s riron porque eran as caveiras máis "monstruosas" do mundo.
Antes de limpar recollemos sementes de cada tipo de coco para plantar na veiga na primavera.

Vemonos o luns na festa na Casa da Auga!!!!

Ler no Samaín

A noite do 31 é a noite do Samaín.

Á tardiña, na Casa da Auga de Vide faremos un Magosto e un obradoiro de CABAZAS, para pola noite ir colocalas convertidas en caveiras, nos cruces de camiños, balados e cruceiros.
Ímos pasar un medo....!!!.

Pero mellor que pasar medo será pasalo de medo. Proba a ler os libros que te propón a Biblioteca A2 para este Samaín.

Podes atopalos todos na Biblioteca.

Open publication - Free publishing - More biblioteca

Lola e o samaín

Onte "alguén" decatouse que Lola, a nosa esqueleta, seguro seguro que a noite de Samaín ía sair coas ánimas a recorrer os camiños, e ao mellor- ou pior- se lle ocurría ir á casa de "alguén".

Decidimos entón coller a Lola e explicarlle iso do Samaín:

- Mira Lola, a noite do 31 de Octubro, a porta que separa o noso mundo do "outro" faise tan delgada que as ánima

s poden pasar e veñen visitarnos.

Pode pasar que a túa ánima colla o esquelete para andar mellor, e si un supoñer, foras ata a nosa casa non te vaias asustar coas caveiras.Nós poñemos caveiras para asustalas e que marchen.

Lola non dixo nin mu, pero Diego "sentíu" que dicía que tiña frío.

Frio?

Nun visto e non visto fixémoslle un vestido de ánima/bruxa con sombreiro que lle quedou perfecto.

E sacámoslle fotos e todo.

Antes de marchar, Diego recordoulle a Lola:

- E non te rompas. E logo volve para a escola, que nos costaches moitos cartiños.

Rock do Samaín

Buscando buscando atopei este rock Do Samaín en youtube, e gustoume tanto que andiven a indagar máis. O autor é Xabier CR, e atoparédelo en "Música para ratiños":

A bailaar!!

xogo samaín

Para comenzar a pensar no Samaín, imos xogar a disfrazarnos un pouquiño

Preme na imaxe e xoga:




E agora a pintar un coco:

Festa na Casa da Auga

Na escola tiñamos traballado moito para o Samaín, e o domigo era o día da festa.

Aínda que o domingo, 31 de octubro, quixo chover, a Festa do Samaín celebrámola igual.

Ao principio só unhas poucas ánimas,bruxas e esqueletes moi ousados achegáronse, pero pouco a pouco a Casa da Auga de Vide foise enchendo de nen@s, e homes e mulleres dispost@s a preparar as caveiras, xogar a meter medo, cantar e unha vez máis, pasalo ben xunt@s.

Á noitiña as caveiras alumeaban en Vide espantando as ánimas.

E o magosto deixámolo para o vindeiro domingo, que seguro, seguro, que non chove.

Festa do samaín

Pois si, o domingo pola tarde a Biblioteca A2, invítanos a tod@s a celebrar a Festa do Samaín, e polo que parece a Comisión da Biblioteca ten preparada unha festa rachada na Casa da Auga. Faremos caveiras, xogos, un magosto, galdrumadas... e seguro que non van faltar uns chouriciños para aproveitar as brasas.
Logo, á noitiña, á espantar ás ánimas colocando as caveiras por toda a parroquia.
De seguro que esa noite queda Vide ben protexida.

Cantando en Samaín

Coa música de Mama Cabra e a letra de "Os esqueletes" fixemos unha adaptación ao galego e quedounos unha canción chulísima para cantar este ano na festa do Samaín e, como é moi longa, para os máis cativos deixámola no numero cinco. É divertidísima de cantar facendo todos os acenos que lle inventamos.

Esta é a "nosa" letra

Tamén fixemos un libriño para levar para casa e ler e cantar coas nosas familias.

Os esqueletes do samaín

View more presentations or Upload your own.

Samaín e recursos para infantil

Deixo aquí os enlaces aos recursos que estamos utilizando en clase no traballo SAMAÍN, recursos dirixidos a nen@s menores de 6 anos, que é o noso alumnado. A meirande parte deles xa os traballamos e gustáronnos.

É un recopilatorio de actividades lacalizadas directamente en internet ou ben a través do traballo realizado por outras bibliotecas escolares. A tod@s gracias.

Para imprimir e colorear/recortar:

Cabazas1
Cabazas2
Cabazas3
Fantasma

Morcego

Xogos on line

LIM Chegou o Samaín. Ceip de Pazos
LIM Samaín/Outono
LIM 2 Samáin Outono. vía Aula Tic de Raquel. 

Puzle fantasma
Quen comeu o caramelo?

Decorar tarta

Decorar cabaza

Tallar unha caveira

Colorear cabaza

Colorear lámina Samaín

Xogo memoria 1

Xogo memoria 2

Xogo memoria 3

Xogo co ratiño

Seguir o arco da vella

Manualidades:

Maquillarse de caveira

Cociña do Samaín:

Chulas

Videos:

Música de Mamacabra, pola Biblioteca Ceip Mestres Goldar

Música para pequenos en Samaín

Arañas para comer

Canción os esqueletes

Conto o gato e a cabaza

Se queres unha páxina con moitos recursos para todas as edades, preme entón en:

O recanto de Mik

E para rematar, este video de Mamacabra:

SAMAÍN

O sábado pola tardiña a Biblioteca chamou aos nenos e nenas e as súas familias para celebrar o samaín nunha festa na Unitaria.

E tod@s chegaron con cabazas-cocos- e unha presa de castañas para facer tamén un magosto.

Fixemos as caveiras, comimos castañas, chourizos asados aproveitando as brasas, xogamos.... e logo, xa de noite, fomos colocar as caveiras nos balados e nos cruces.

Como dicia Elena, esta noite as ánimas non ían dar entrado en Vide.