Día das Letras Galegas

Este ano é un poeta de Guitiriz, Xosé María Díaz Castro , o homenaxeado no Día das Letras Galegas.

Nós, aínda que convertidos en científicas e científicos, o tempo se nos escapa das mans, fixemos unha parada porque non podíamos deixar pasar un día tan importante, así que botamos man dos recursos que preparou o Seminario Galán e xogando coas actividades Lim  e as fichas que propón para educación infantil, aprendimos un pouquiño da vida deste poeta, e aínda un anaco dun dos seus poemas.
Logo, como sempre, un libriño de Editorialunitariadevide para levar para casa e compartir coas familias.

 

E sabedes que?
Os nenos e nenas pandereteiras de Saíñas de La, foron invitados a participar no Encontro de Pandereteiras Pequenas, que dentro dos actos do Día das Letras Galegas celebrou a Asociación Ondiñas do Mendo de Leirado. ... e fomos. ... e que ben o fixeron.

 

Noite das Letras Galegas

Na noite do xoves ao venres, 17 de maio, tal como quedaramos ,celebramos na Biblioteca a "Noite das Letras Galegas". Practicamente todos os nenos e nenas da aldea entre 9 e 12 anos acudiron- faltaron Yoel, Noemi e Laura que viaxaran a Portugal- e foi unha noite memorable.

A bibliotecaria, andaba "preocupadiña" porque as espectativas da "comisión" eran tantas, que tiña medo  que se levasen un chasco, pero  conforme ía andando a noite decatouse que era imposible o chasco, porque a alegría e ganas de participar que traían, non podía ser cortada por ninguén: respondían a TODAS as propostas da actividades con un "veña a por outra!" rían , falaban e xogaban, facíanse bromas, pedían máis actividades.... outro ensaio máis!!!

Tiñamos unha pequena obra de teatro para traballar: "Os ratos", adaptación propia, e unha achega de Paqui, a pandereteira: "Touporroutou da Lúa e do Sol" de Vidal Bolaño, adaptación para teatro escolar.

E foi un exitazo iso de converterse en actores, tanto, que foi a actividade que máis tempo nos ocupou da noite, pero tamén xogamos na PDI cos recursos que tiñamos seleccionado, escoitamos música, ceamos, falamos e a iso das tres da mañán fómos durmir - aínda que houbo quen quedou falando ata as "tantas".

Pola mañán o almorzo, caras legañosas, bromas, sorrisos,  ganas de repetir.... e unha cita:

o mércores pola tarde ás 6, para preparar o estreno da obra de teatro.

Día das Letras Galegas

Este ano o Día das Letras Galegas está adicado a Valentín Paz Andrade. Galeguista que destacou en moitas facetas: xornalismo, literatura, coñecemento de Galicia e da súa industria pesqueira... pero sobre todo na defensa da modernidade de Galicia.
O LIM elaborado para infantil polo Seminario Galán foi un recurso excepcional par aprender sobre a súa vida e a súa obra mentras xogábamos, así como o material, tamén dirixido a educación infantil do mesmo Seminario, con fichas para imprimir:
Preme para enlazar:





Mañán o compartiremos coas nenas e nenos de Rubiós e Taboexa que virán visitarnos

Instrumentos pobres

Unha chamada dende o IES Pazo da Mercé e a máquina púxose en marcha: o alumnado da Unitaria estaba invitado a acudir á charla/concerto que Xavier Blanco daría baixo título "Instrumentos Pobres" dentro das actividades organizadas ao redor da celebración do Día das Letras Galegas no Instituto.
As nais e pais, unha vez máis, organizáronse como nais/taxi, e todo quedou preparado.
E alí estivemos, apampados, escoitando a Xavier Blanco interpretando preciosas melodías tradicionais cunha palla de centeo, ou unha vara de sabugueiro, ou como non, coa gaita de cana.
A voz de Xavier chamaba á vaca Pinta mentras as súas mans voaban tocando a muiñeira cunha pedra no legón, e os pequenos rían mentras miraban ás ventás esperando ver aparecer á vaca.
Foi unha mañán memorable.
E agora Noa vai beber petando no cazo e dí:
-Mira!!!, como o profe dos maiores!
E Marcos, especialista en levarse todo a boca, agora fai o mesmo pero.....está tocando a gaita!!!, e   Antón  e Soraya, baten na mesa movendo as mans arriba e abaixo, como facía Xavier, mentras Alba mira para eles dicindo:
- Que ben vos está saíndo!

E eu no medio do barullo penso:


Gracias compañeiros do instituto por pensar en nós!!!

 

O conto de Ilda

Do Ceip Frián-Teis, traemos esta adaptación dun conto de Uxío Novoneyra:

Ilda, o corzo, o lobo e o xabaril

Preme na imaxe e escoitao

DÍA DAS LETRAS GALEGAS 2010

TAREFA: DIARIO DA VEIGA 2010



O vindeiro 17 de Maio celebraremos de novo o Día das Letras Galegas, que este ano vai adicado a UXÍO NOVONEYRA, o poeta do Caurel.

Este é un traballo feito polo alumnado de infantil do Ceip Igrexa-Chapela:



E neste video podemos ver imaxes do Caurel e escoitar un poema de Uxío na voz de Emilio Cao.

Nova presentación

Durante dez minutos, no Portal Educativo da Xunta de Galicia , apareceu esta cabeceira:


É ben sabido o compromiso de Ramón Piñeiro coa lingua galega pero algo pasou, ou algo lle pasou a algúen, que logo deses dez minutos apareceu esta outra cabeceira, que é a que permanece ata o día de hoxe.


De todos é sabido o compromiso de Ramón Piñeiro co desenvolvemento do ferrocarril?
Ou sería da relación educativa entre ferrocaril e escola?
E non podería ser que o que nos conta Don Ramon na primeira cita é algo EVIDENTE, que todo o mundo sabe, non é ningunha novedade, que aínda agora, cando entras na escola, se falas galego, o máis probable e que te cambien ao castelán, mentras que espallar entre todos ós que poden acceder a este PORTAL EDUCATIVO esa "curiosidade tensa" polo ferrrocarril do protagonista do Día das Letras Galegas 2009, ten un certo aire innovador - metodoloxicamente falando, claro-.