Xaime fíxose vello

Seguimos co noso traballo do conto "Xaime e as landras", que xa vai moi avanzado:

Xa sabemos que Xaime non se rendeu, que seguíu plantando landras ata que conseguíu que unha delas se convertese nun FERMOSO CARBALLO onde aniñaban os paxaros e Xaime e os seus amigos podían sentarse a falar  na súa sombra.
Claro que como ben dixo Brandán, no entanto fíxose velliño e a súa familia tiña que cuidalo, a el, ao seu can e as súas galiñas.
- E porque sabes que tiña galiñas? dixo Daniela.
- Pois porque os avós teñen galiñas.
- Pero as galiñas pode matalas e comelas, porfía Daniela.
- Claro, e queda soliño de todo, sin nada que facer pola mañán!
- hhhhhh?
- Pola mañán ten que ir abrir as galiñas e botarlle o millo!
- hhhhhh?
- Que se aburre sen nada que facer todo o díiiiaaaaaaaaaaa!
- Pois si non ten galiñas hai que ir xogar con el, e contarlle un conto- Raul.
- Ou pode ir plantar landras- Ruth.
- Iso si- Brandán.

E chegadoso a este punto seguiron a facer a "ficha".

Cantares de Reis

Os venres pola tarde ensaiamos os cantos cos que recorreremos Vide e As Neves os días 2 e 3 de Xaneiro.

"As Xaneiras", Panxoliña de Cadrón", os "Reis de Rinlo" e "Ollando pro ceo", son os éxitos deste ano. De seguro que recolleremos un bo aguinado porque cantar, cantamos DIVIINO!

E por si alguén quere aprender unha "nova", non deixedes de cantar e baillar esta panxoliña  de Chouteira: "O cometido"

Sabela e as zocas máxicas

Seguindo cos libros de ciencias en galego para pequenos, que aínda que poucos, hainos e moi bos, aquí temos unha magnífica proposta de agasallo de Nadal:

"Sabela e as zocas máxicas", que tamén podemos atopar na biblioteca.

Está publicado Colexio Oficial de Arquitectos de Galicia, dentro dos recursos didácticos para educación infantil do Proxecto Terra:

"Da casa á escola é a idea que articula as tres historias deste conto. Un achegamento multisensorial e emocional/afectivo ao espazo vivido, que faga máis rica a construción mental que nestas idades temperás se está a facer dos tres ámbitos máis significativos na vida dos cativos: a casa, a escola e o camiño que percorren todos os días dunha á outra. Tres ámbitos: o privado, o social e o público, que estarán presentes ao longo das nosas vidas e que xa estamos a construír desde pequenos."

As marcas dos animais

Nunha eira tan seca como a de "libros de ciencia" en galego para os máis pequenos , a editorial Baía ven de publicar un libro que non pode faltar nas nosas biliotecas, e que é un bo agasallo de Nadal para nenos e nenas:

"As marcas dos animais", con texto de Geneviève Caramel e ilustracións de Graziella Antonini, e  de seguro que aos maiores tamén lles interesará porque:

. Sabes quen é o mais rápido dos insectos?
Sabes cal é o animal mais lento?, e o máis rápido?....

Cantares de Reis

Este é o repertorio deste ano. Incorporamos dous cantares novos:

- Os da manta.

- Ollei para o ceo.

A Unitaria de Vide na prensa

Os nenos e nenas da escola de Vide, estaban onte en "La voz de la escuela".
Os periódicos en toda a zona desapareceron , porque todo o mundo quería ver a Diego e Samara facendo o experimento de "a torre de auga", a Ruth xogando a mariquitilla ou a Sabela contando como os nenos e nenas de Vide convértense en pequenos científicos e buscan, descubren, xogan e aprenden utilizando os recursos da súa biblioteca.

Animais, landras e carballos

Nós xa sabíamos que aos cabalos lles gustan os gromos dos carballos pequenos, porque baixaron do monte, entraron no comunal, onde se plantaran carballos logo dos incendios de hai uns anos e.....

Comeron e comeron, estragando a meirande parte do plantado, asi que  non nos extrañou que o carballiño que gromou da landra que plantou Xaime tamén se estragara porque o pisou un cabalo.

Pero como Xaime seguíu plantando ladras, hoxe puxemos un pouco de orden, para poder contalo ben:

1ª LANDRA: non gromou. Levouna un ESQUÍO.
2ª LANDRA: groumou pero... Pisouna un CABALO.
3ª LANDRA: gromou, medrou un carballo pero.... Comeuno unha CABUXA

Haberá outro xeito de organizar o que imos sabendo?
Mañán investigaremos, mentras, seguimos traballando.

25 de Novembro Día internacional contra a violencia sobre a muller.

Hoxe, unha catiga:

Un libro:

"Unha feliz catástrofe", de Adela Turín que ben de ser publicada en galego por Kalandra:

e un xogo: crebacabezas  que nos recordan que, se se comparten as tarefas, combátese a violencia de xénero:

Xaime e as landras. De ler

Esta adaptación do conto  permítenos a lectura colectiva - vía pizarra dixital- ao telo pasado a maiúsculas significando  as palabras  máis repetidas:

Polo agora , ademáis de XAIME, LANDRAS e CARBALLO, quedámonos cos animais- cantos haberá ?- sobre todo porque algúns deles sonche ben complicados, senón mira ESQUÍO.



Ademáis premendo na imaxe,  tamén podemos xogar , vía Graxaltic infantil cun Lim con actividades :

O carballo nas botas

Dende que estivo na nosa escola, hai anos, o contacontos Anxo Moure, as botas e zapatos vellos teñen unha nova  utilidade: servir de alcoube para  landras e castañas.

 Asi que cando pensamos en facer como Xaime, o neno do conto, e sementar as landras, decidimos facelo nas  botas vellas que tiñamos gardadas do ano pasado, para que cando agromen, ter outra vez "carballos con botas"

Landras

Coas landras que apañamos andivemos de "matexogos" . Había que escoller as mellores para plantar, e de paso contamos, sumanos e quitamos.... e logo de xogar,

como non chovía fomos correndo ata o carballo de Isabel a facerlle unha visita e tocar a súa pel rugosa, comprobar as ondas das súas follas, e contarlle que as súas landras , cando agromen,  ímolas plantar no baldío, onde os cabalos que baixaron do monte comeron os carballiños que xa estaban medrando na plantación que fixo hai tres anos a Comunidade de Montes.

Logo na escola limos o conto e escoitámolo no video que fixeron os nenos e nenas do CRA de Bergondo

Xaime e as landras

"Xaime e as landras",Tim Bowley e Inés Vilpi, editado por Kalandraka , vai ser o noso proxecto de traballo, porque nós como Xaime imos plantar landras, e os carballos que agromen delas plantarémolos no baldío.

Escollimos este conto da biblioteca e mais "O carballo" de Calros Silvar, editado en Baía

Xa temos as landras recolectadas do carballo de Isabel, a nosa veciña. Un carballo ENORME e moi san , na beira do camiño que vai á escola e que enche o chan de landras .

Castañas en almibre

E xa fixemos tamén a conserva de castañas: "CASTAÑAS EN ALMIBRE".
O que máis traballo nos deu foi pelar as castañas, menos mal que Ruth e Daniela colléronlle o xeito axiña, que senón non dabamos feito, sobre todo porque Talía e Raul non paraban de comelas.
Puxémoslle unha etiqueta co nome e un "libriño" coa receta, para que as mamás e papás tamén o fagan na casa.

E agora a esperar un mes para probar.

Conseguirémolo?

Polo San Martiño

O  día 11 de novembro celebrouse o "Día do Peón", pero nós celebrámolo onte, porque parou de chover un pouco e poidemos sair ao camiño, porque 

Polo San Martiño 

peóns ao camiño.

Polo San Antón,

peóns ao caixón.

Polo San Amaro,

peóns ao faiado

e cando parou un chisco de chover, saímos a todo correr da escola cos peóns na man para facelos baillar no camiño, e algún beillou.

Xa na escola procuramos información sobre o peón, e recollímola de nenas e nenos de outras escolas, que xa tiñan feita a "investigación":

• leriasdevite
• marabillosos laretas
• entre todos e todas
• brinqueda

 cantamos, contamos e memorizamos o lengalenga

e  escribimos:

PEÓN

BUXAINA

TROMPO

E antes de marchar para casa aínda xogamos un pouco á mariola e escollimos co

Rei, rei

cantos anos durarei

vintecinco non o sei

un, dous, tres, catro, cinco, ...

porque xogamos.......MATEMÁTICO!

Premio para "En marzo pintando con MIró"

No mes de xuño  presentamos o traballo feito na Unitaria no mes de marzo: Pintando con Miró, ao Concurso de " traballo por proxectos coordinados pola bilbioteca escolar", convocado pola  Consellería de Educación, e hoxe vimos de nos enterar que :

O NOSO PROXECTO FOI PREMIADO!!!

e estamos máis que contentos , máis que contenta, e xa poensando en que actividade da bilioteca empregar os 1000 euros- cando os ingresen, claro-

e deixámosvos con MIró - se premes na imaxe-

Castañas

Xa temos a receta para facer as castañas en almibre.

conserva de castañas

View more presentations or Upload your own.

Ciencias na cociña

Estamos no mes de Novembro o  "Mes da Ciencia en galego nas bibliotecas" e nós, que neste curso temos unha escola matemática, biblioteca incluída, e non paramos de contar, medir, comparar, xuntar... imos comenzar a pesar, e que mellor que si facemos

ciencias na cociña


porque na unitaria temos unha cociña, cunha placa de inducción que é unha marabilla, unha báscula, un forno pequeniño, unha nevera do século pasado pero que fuciona... en fin, que estamos preparad@s para investigar cociñando.

E imos cociñar castañas, que temos moitas.

Cando fomos apañar castañas ao castiñeiro da nosa veciña a "Argentina", collimos tantas que nos sobraron moitas despois de facer o magosto, asi que discutimos que facer con elas:

- outro magosto non que chove.
- caldo de castañas non que é moito traballo.
- castañas con leite ummmm non sei , non sei...
- castañas en almibre si, siiiii

agora só nos queda investigar como se fan castañas en almibre.

Mañán empezamos.

SAMAÍN MATEMÁTICO

Quedamos en que este é un curso matemático non?, pois entón tamén o  Samaín  e o magosto son matemáticos.

Ademais de facer series coas castañas e landras, ordenar os cocos, agrupar as castañas e as landras, calcular que coco pesaba máis.... en fin , todo o que se nos ocurríu, fixemos unhas fichas " de avaliación matemática" para os libros do samaín:

Chega o Samaín

Como imos facer unha FESTA na Casa da Auga para celebrar o Samaín e o Magosto, con todos os nenos e nenas e veciños de Vide, para non perdernos no rebumbio, decidimos facer un "obradoriño" de caveiras e un Magostiño hoxe na escola "só para pequeniños".
Menos usar o coitelo para cortar os cocos, todo o demais o fixeron os nenos e as nenas: ir a apañar castañas, escollelas, preparar as candeas, asar as castañas, comelas......todo!
Como antes pintaramos as caras, parecímaos uns "mortos vivientes", e ata o carteiro asustouse de nós- antes de que o invitaramos a castañas-.

samaín e magosto - Movie Maker

Ler polo Samaín

Xoves, venres, sábado e domingo..... catro días perfectos para pasear, apañar cogumeos e castañas, festexar o samaín ou facer un magosto, pero tamén tempo para ler, por iso a biblioteca A2  vaivos facer unha proposta de lectura:

Festa de Samaín e Magosto na Casa da Auga

BIBLIOTECA DE MATEXOGOS

Xa temos unha biblioteca de xogos matemáticos na escola:

e agora tamén una Biblioteca de MATEXOGOS para xogar na PDI, no ordenador, na casa ou na escola, con solo premer un botón:

Preme na imaxe e...LISTO:

Día das bibliotecas: Matemático !

Como temos unha biblioteca matemática, para o "Día das Bibliotecas" preparamos a lista dos 10 libros máis  matemáticos pois este curso imos

Contar cos contos

Estes son:





Si queres descargar a presentación preme AQUÍ

Números nos contos

Levamos uns días "investigando" na biblioteca buscando libros que nos permitan contar: 1,2,3,4...., primeiro, segundo...., ou que no seu título apareza un número.
Hai moitos, así que preparamos unha pequena exposición con eles e fixemos unha lista cos libros que máis nos gustan.
Fixemos grandes cartaces cos números e pasamos moito tempo a xogar con eles e ordenanando os libros polo número do título.
Como non se me ocurríu antes?