Casa de monecas

Charo, a nai de Dimas fíxonos un agasallo:

unha casa de monecas!

e non viña sóa, viña tamén cunha morea de pequenos mobles para que poidésemos xogar con ela.

Pois xa temos traballo para toda a semana, pois non hai quen poida separar aos nenos e as nenas dela, así que, aproveitando o tirón imos traballar A CASA, AS DEPENDENCIAS, e sobre todo traballaremos "os traballos na casa" e "compartir os traballos".

Preciosa casa verdade?

E para traballar, a Biblioteca preparounos estes xogos:

 

Con Rosalía no Instituto

E alí estivemos, celebrando o día de Rosalía xunto ao alumnado do Instituto de As Neves, os seus poemas e os nosos poemas, recordando a Rosalía.

Día de Rosalía

Mañán trasladarémonos ata o Instituto de As Neves , para celebrar xunto co seu alumnado o día de Rosalía. Recitaremos o poema que tanto traballamos: " Vente rapaza".
 Coas fichas de traballo elaboramos un libriño de Unitariadevide e na Biblioteca un boletín informativo cunha pequena biografía de Rosalía e uns poemas, para que as nais/pais e fill@s podan lelos xuntos na casa.

Rosalía de Castro

Aínda non nos deramos borrado da cara os bigotes de Dalí cando xa estabamos visitando- virtualmente,claro- a casa de Rosalía en Padrón , pois un ano máis sumámonos ás actividades  de celebración do Día de Rosalía.
Recollimos na Bilioteca o libro "Parece unha rosa" e "Adiós ríos, adiós fontes" e logo de darlle moitas voltas quedámonos con:

Vente, rapaza,

vente, meniña,

vente a lavar

no pilón da fontiña.

Vente; Minguiño,

Minguiño, vente;

douche, senón

polo demos do dente.

E como estes nenos e nenas de Vide son marabillosos aprenderon o poema nun plisplás e aínda nos deu tempo de ir de "excursión" por Vide na procura de fontes con pilón.

Aquí podedes ver e escoitar  a estes verdadeiros "rapsodas"

Pintando o entroido

Este ano decidimos ir de pintores no entroido- parecía doado pero, ai que traballiño nos deu!-
O pintor escollido fora Dalí- polos bigotes e reloxios brandos-, pero Noa cando xa estaban os disfraces feitos elevou unha protesta:
- Eu non vou de Dalí, eu vou de "chica" pintora, que tamén hai.
E como tiña moita razón, ela e as súas amigas non levaban bigote porque ian de...Maruja Mallo!
Así, as pintoras e pintores pasearon por Vide, xogaron e disfrutaron na nosa festa de Entroido, que coma sempre rematou cunha xantar na escola de nenos e nenas,e as súas familias.

Pasámolo la mar de ben ata ben entrada a tardiña, e aquí deixamos a proba:

Seis barbudos

No mes de xaneiro traballamos ao redor do libro "Seis barbudos" , un precioso conto de OQO que serve para decatarnos de que guiarnos polas apariencias só nos  leva  a equivocarnos coas personas.
O conto gustounos tanto que fixemos un conto novo.
Ademáis  serviunos tamén  para aprender a escirbir  unha morea de palabras novas:

BARBUDOS

ATA LOGO!

PAN

TENDA

CHOURIZO

PALLASOS

GLOBO

CONTO.....

xogar aos oficios e as tendas,  e contar para arriba e para abaixo quitando unha.

De remate coas fichas traballadas en Unitaria de Vide elaboramos un conto novo para levar para casa e lerllo á nosa familia.
Quedounos la mar ben.