Festa do samaín

Pois si, o domingo pola tarde a Biblioteca A2, invítanos a tod@s a celebrar a Festa do Samaín, e polo que parece a Comisión da Biblioteca ten preparada unha festa rachada na Casa da Auga. Faremos caveiras, xogos, un magosto, galdrumadas... e seguro que non van faltar uns chouriciños para aproveitar as brasas.
Logo, á noitiña, á espantar ás ánimas colocando as caveiras por toda a parroquia.
De seguro que esa noite queda Vide ben protexida.

Cantando en Samaín

Coa música de Mama Cabra e a letra de "Os esqueletes" fixemos unha adaptación ao galego e quedounos unha canción chulísima para cantar este ano na festa do Samaín e, como é moi longa, para os máis cativos deixámola no numero cinco. É divertidísima de cantar facendo todos os acenos que lle inventamos.

Esta é a "nosa" letra

Tamén fixemos un libriño para levar para casa e ler e cantar coas nosas familias.

Os esqueletes do samaín

View more presentations or Upload your own.

Dia das Bibliotecas

Os "libros sorprendentes" non se poden levar prestados , pero son as verdadeiras "estrelas"da biblioteca, para tod@s , cativos e maiores.
Hoxe- onte- Día das Bibliotecas, decidimos colocar os libros sorprendentes no expositor de "Libros do mes" para que os colleran prestados.

1. Foi unha boa sorpresa, todos se botaron aos libros.
2. Hoxe fixemos pleno en préstamos: TOD@s levaron libro para pola noite- hai que ter en conta que tod@s son dez-.

Aínda tiñamos máis sorpresas para celebrar este día:

Un regalo para a Biblioteca- unha caixa con libros- e

Unha contacontos: Nuria , a mamá de Iris e Noa, que chegou- de parte da Biblioteca- cun conto para ler: Unha mamá para Owen, a historia do pequeno hipopótamo adoptado por unha tartaruga.Tiñades que ver a cara dos @s máis pequeniñ@s, que era a primeira vez que escoitaban este conto. Preguntaban unha e outra vez.

- E a súa mamá onde está?- sen satisfacerlle ningunha das respostas.

Samaín e recursos para infantil

Deixo aquí os enlaces aos recursos que estamos utilizando en clase no traballo SAMAÍN, recursos dirixidos a nen@s menores de 6 anos, que é o noso alumnado. A meirande parte deles xa os traballamos e gustáronnos.

É un recopilatorio de actividades lacalizadas directamente en internet ou ben a través do traballo realizado por outras bibliotecas escolares. A tod@s gracias.

Para imprimir e colorear/recortar:

Cabazas1
Cabazas2
Cabazas3
Fantasma

Morcego

Xogos on line

LIM Chegou o Samaín. Ceip de Pazos
LIM Samaín/Outono
LIM 2 Samáin Outono. vía Aula Tic de Raquel. 

Puzle fantasma
Quen comeu o caramelo?

Decorar tarta

Decorar cabaza

Tallar unha caveira

Colorear cabaza

Colorear lámina Samaín

Xogo memoria 1

Xogo memoria 2

Xogo memoria 3

Xogo co ratiño

Seguir o arco da vella

Manualidades:

Maquillarse de caveira

Cociña do Samaín:

Chulas

Videos:

Música de Mamacabra, pola Biblioteca Ceip Mestres Goldar

Música para pequenos en Samaín

Arañas para comer

Canción os esqueletes

Conto o gato e a cabaza

Se queres unha páxina con moitos recursos para todas as edades, preme entón en:

O recanto de Mik

E para rematar, este video de Mamacabra:

Entradas

As entradas que vou gardando como "borrador" vanse acumulando. A unha faltanlle as fotos, a outra completala, outra quedou a medio camiño porque o "issu" falloume..., e cada día o atraso é maior e a preguiza ,mais grande, así que veño de tomar unha decisión:
ALÍ SE QUEDAN.

Ireinas completando se teño tempo, ou ganas, pero polo de agora acabouse.

Xa levamos dous meses do novo curso, fixemos unha chea de cousas, unhas mellores e outras peores, e nin unha soa entrada.

A semana que ven vai a entrada do Samaín.
En serio.

Inventando xogos

Hoxe no recreo sorprendéronme inventando un novo xogo:

Na randeeira séntanse Noa e Iris, as xemelgas, e Mateo e Javi "danlle". O xogo consiste en poñerse diante delas, a tiro dos seus pés, e cando os pés das nenas lles tocan, tirarse ao chan berrado moi forte:

aaaaaaggggggggggg!!!!!

O xogo foi todo un éxito e pasaron unha boa parte do recreo rindo e tirándose ao chan. E foi porque as pequenas son miudas e como pesan pouco, pouco dano podían facer, e os maiores- Mateo e Javi- eran cuidadosiiiisimos e "daban" con pouca forza para que non lles sairan voando.

Eu tamén rin con eles e berrei aaaagh! despois de decatarme que era un xogo , que eles o tiñan controlado e que DEBÍA deixalos seguir xogando.

VIII Acampada da Unitaria

Pois teño que falar de outra acampada, a que todos os anos facemos no verán no patio da escola. Unha pequena acampada de tres días e dúas noites, con xogo de pistas pola noite e subida- e baixada- ata Ribarteme para @s maiores o segundo día.

Nesta acampada non hai máis adultos que a mestra. As nais e pais "SO" botan unha man para montar e desmontar as tendas, preparan a cea da primeira noite na carballeira de A Chan de Vide, acompañarnos na subida a Ribarteme, vir tomar un cafeciño de madrugada conmigo.... pero non participan na acampada propiamente dita. En canto entramos no patio da escola, só quedan as tendas de campaña, @s nen@s e Sabela. E non se precisa de máis . Faise unha asemblea onde facemos inventario de recursos: tendas,sacos, mochilas....,necesidades e actividades a desenvolver, logo facemos a distribución por tendas segundo as súas preferencias e logo os máis pequniños, os de 3, 4 e 5 anos, escollen "pai ou nai" ,que será @ maior que termará e cuidará de cada un deles.E abofé que son uns pais/nais do máis reponsable.
Son tres días tranquilos, nos que hai moitos tempos nos que só teño que "estar" pois eles se organizan pola súa conta, e disfrutan facéndoo sen a miña intervención.
e dixen ben días tranquilos porque as noites son outro cantar: entre o chan, os xogos, as risas, o vento, as curuxas e as apostas para ver quen aguanta máis sen durmir..... as noites son unha romería.
Todos os anos sorpréndeme o xeito no que está integrada a Biblioteca. Esta vez tamén
na primeira noite cando quedan a durmir os cativos, os maiores que facían de pais/nais foron pola súa conta ata a Biblioteca na procura dun conto para lles ler, e os que non foron houberon de ir pitando pois ningún pequeno quería durmir "sen o conto". Pola mañán,mentras se estaba a espera de que quentara o leite, uns charlaban, outr@s xogaban ou arrumbaban a tenda, pero tamén houbo @s que foron ata a Biblioteca e deitad@s na alfombra pasaban as follas dos "libros sorprendentes".
Xa imos na 8ª acampada de verán, agora a esperar pola novena.