viernes, 16 de mayo de 2014

Científic@s na biblioteca : Os chupaauga

Xa iniciamos o arduo camiño consultar os libros da biblioteca,  habilitar o
laboratorio e dar comenzo ás nosas investigacións.

A este experimento chamámoslle :

OS CHUPAAUGAS
                                                                      AVISO: A auga tinguímola sempre para que se vexa mellor 















           









jueves, 15 de mayo de 2014

Artur e Clementina

Neste "Xoves da Dúas"  fomos de "Paseo con libro" e.... adonde?

Pois como todos os anos, á lagoa de Medáns, que tamén é coñecida como a Lagoa do Inferno, na procura de Artur, o sapoconcho, porque Clementina xa sabemos que anda de viaxe polo mundo adiante, os últimos que souberon dela din que andaba por Venecia.

Chegar ata a lagoa non foi doado.
Non hai moito que foi Fátima e dixo que vira os sapoconchos na lagoa, nós queríamos identificalos, para comprobar que eran sapoconchos comúns, pero foi imposible. Xa nos costou chegar porque o camiño estaba inzado de silvas, herba alta, lama.... pero o peor foi cando chegamos onda a lagoa. Nin se vía. Tiñamos que ter levado unha desbrozadora.

De todos os xeitos sentámonos no camiño, merendamos, falamos dos sapoconchos, as súas características e, como non, limos o libro de "Artur e Clementina".





martes, 13 de mayo de 2014

Ciencias na Biblioteca: exposición e boletín

Como xa decidimos convertirnos en científicos e científicas,  o primeiro que fixemos foi ...
ir á Biblioteca, claro.
Descubrimos que os libros de Ciencias están no 5 e no 6, e escollimos todos os libros que nos gustaron, ordenámolos ben, fixemos uns cartaces e

aquí están:



e tamén levamos para casa un "Boletín de Ciencias", para  contarllo ás nosas familias.





viernes, 9 de mayo de 2014

jueves, 8 de mayo de 2014

Xoves de cine

Como o xoves pasado vimos que na Casa da Auga o local onde se podía proxectar a película reflexaba moito o sol, decidimos trocar o "Cine na Casa da Auga" polo "Cine na Unitaria".

A película foi: "Zipi y Zape y el club de la canica"



 

miércoles, 7 de mayo de 2014

non é maxia...é CIENCIA!

En Vide, e en todos os lugares, o alumnado de infantil son pequenos científic@s.

Que non?
Entón que fan decotío?
Observan, manipulan, clasifican, e.... curiosos?....a rachar!!!
O que dicía, unha clase chea de pequenos científicos e científicas.
E a Biblioteca ten que ser un apoio e un instrumento máis nos seus primeiros pasos cara a formación científica, para eles e para as súas familias.

Así que hoxe cando chegaron á escola atoparon un LABORATORIO!!!



e para facerlles a boca auga, fixemos uns pouquiños experimentos moi sinxelos, que vimos nun libro da biblioteca: "Experimenta Ciencia. Esperimentos científicos para niños" de editoiral Galera
Ao principio pensaron que era maxia, pero non..


era Ciencia!!!

Fixemos flotar o aceite na auga, tapamos un vaso cun papel e ao darlle a volta o auga non caía... e convertimos cocacola nunha especie de barro noxento ao botarlle unha pinga de leite.



resultado:

en maio todos os nenos e nenas de Vide van ser científicos e científicas 






martes, 6 de mayo de 2014

O soño de Matías

Quedaranos un contacontos:



Conto: O soño de Matías
Contacontos: Fátima, a nai dos xemelgos Marcos e Diego.